مشتريات شي ان بـ 350 ريال 💸
Shein haul 350 riyals
اسعد الله مساءكم ي حبيبات قلبي 🥰
وين ماكنتم اهلاً وسهلاً فـ مدونتي المتواضعه
اذا باقي ما تابعتوني اضغطوا هنا ✨
وهذا حسابي فـ
~~~
الموقع الصيني شي ان اشهر من نار على علم 👏
شي ان موقع قديم وَ كان اسمه قبل شي انسايد
بس ما كنت وقتها اتجرأ واطلب من مواقع الصينية
لان اغَلب أشيِائهُم مقلب 🙃
فَ كنت مُجرد مُتفَرجة عَ المشتريات حقت البنات
مِن قريب صرت اتجرأ اشتري منهم 😁
بس قبل ما اشتري اشوف التفاصيل اللي فِ الموقع
لان دايم الصور تغشنا يتغير التصميم اوَ اللون اوَ حتى الخامة
وَ هذا وانا ماخذه حذري انصدمت كم مره منهم
عَ العموم بعطيكم كم نصيحة وقت الشراء من المواقع الصيني او المواقع الغير موثقه بشكل عام//
١- مانعتمد عَ الصورة مثل المواقع الامريكية او البريطانية هنا فَ الصينية لا نشوف التفاصيل كمان و نركز عَ المقاسات
٢- نختار الدفع عند الاستلام او ندفع بـ الباي بال ، وَ اللي مايعرفه هو بنك الكتروني يضمن لك فلوسك ولو صار و انصب عليك ترفعين بلاغ من نفس باي بال وهم بيفتحون لك قضية ويرجعون فلوسك بالطيب ولا بالغصب ، الفيزا لاتستخدمونها مباشرة ف الطلب من المواقع الصينية وعادةً التوصيل يكون اسرع
٣- لانغتر بحركتهم حقت السعر قبل والسعر بعد الخصم لان مافيه خصم ولا شي ولو لاحظتوا اغلب الاشياء اللي فَ المواقع الصينية عليها خصم .. سبحان الله 🙄
٤- اوقات الخصومات الفعلية و البلاك فرايدي و السايبر مواندي لا تشترون من عندهم لان اغلبهم يزيدون الاسعار استغلال اقوى شي 🙂
٥- ابحثو عن الاكواد و النقاط خصوصاً في شي ان عادةً استخدم نقاطي اللي عندهم وادفع بـ الباي بال واحصل خصم 15% وممكن استخدم كود خصم كمان😁
هذا الطلب كان ع دفعتي فَ البداية طلب و بعد بفترة طلبت مره ثانيه والمره الثانية كان الشحن مجاني بدون حد ادني
نجي نشوف الاشياء ( ملابس ، احذية ، شنطة ، واشياء للبيت)
اول شي نشوف الملابس 👗
وهي اكثر شي نغتر فيه وصدقاً عاد اشيائهم حلو
اخذت هذي البلوزة وتعتبر من الاساسيات بس بموديل جميل وتعطي شكل بـ البس يموت 😍
ممكن ينلبس تحت الجاكيت او ينلبس بدون جاكيت يعني مثل ما نقول يكفي ويوفي💝
الخامة استرتش ياخذ شكل جسمك فـ مناسب للاغلب، افكر ارجع اخذ منه كمان بس موديلات ثانيه
السعر/ كان 33ريال صار 28 ريال
الرابط/ هنا
هذا الستايل من البناطيل جميل يجيك واسع و يزيد الطول
قماشه شفاف وخشن وجاي داخله بطانة لـ نص الفخذ
لو تلاحظون الصورة اللي فوق بتشوفون الاضاءة باينه من وسط البنطلون
صراحة ماحبيته بسبب الخامة ولكن الموديل جميل و الخياطة نظيفة👍
السعر/ كان 60 صار 51 ريال
الرابط/ هنا
هذي البلوزة طحت بغرامها تصميمها عجيب تجي اوف شولدر
ومن الامام مثل ماهو واضح فِ الصورة مخيطة ف بعض وللعلم من فوق فيها زرار واحد فقط
شوي تعبتني فِ اللبس كل شوي منفتحه😤
ومن الخلف مطاط ع الخصر وهو اللي معطي البلوزة التقسيمه الحلوه💞
عً العموم تستاهل الشراء 👍
السعر/ كانت 45 ريال صارت 38 ريال
الرابط/ هنا
نجي لذي التنورة السودا الحلوة جميلة و تعطي شكل للجسم فضيع
ولكن عيبه قماشه قوي فما ينشد بسهولة يعني فِ المشي لازم تكون خطواتك صغيرة😆
طولها لحد نص الساق بالنسبة لي فَ جات جميلة بـ البس و الخياطة نظيفة 👍
السعر/ كانت 38 صارت 27
الرابط/ هنا
بلوزة صفراء لونها مثل ماتوقعت جميله وتفاصيلها اجمل ✨
اللولو مثبت بدبابيس يعني ماتخافين يطيح قبل قد طلب من كم موقع صيني ملابس فيها لولو تجيني مثبته بذا الشكل والخامة جميله و التفاصيل نفس الموقع بس في شي انا ما انتبهت له ان موديلها كانها مشقوقه من فوق بذا الشكل
سعرها | كانت 30 ريال صارت 25
هذي سالفتها سالفة جاني تنبيه من شي ان عن بث او شي كذا كنت فاضيه فَ فتحته
ومسوين فكرة مره جميلة وتحسب لهم يعني اذكياء كـ مسوقين البث يجيبون مقدمه
وشخصية سواءً مشهورة فنانة او مذيعة - نسيت مين اللي كانت معهم- تحت البث فِ قائمة تعرض الملابس و الاشياء اللي موجوده فِ البث من ضمنها كان هذا السنيكرز
وشفت سعره ولا رخيص 15 ريال قلت يَ شيخة جربي بما ان ماعندي سنيكرز ابيض نهائي - يتعب بالتنظيف😑-
سويت تشيك اوت ودفعت وكلش ماشي اتفاجا ان السعر فِ السلة 27ريال يعني زاد سعرها 12 ريال صراحة مازعلت عليها ولكن كان من المفترض ان يكتب سعرها 27
المهم وصلت حلو شكلها ومرتبه وباللبس اجمل ولكن الاسفنج اللي داخلها غير مثبت مثل الصورة اللي فوق
تعتبر عَ سعرها ذا حلوه بس ما إنتبهت عشان كثير يمدحونها ف التطبيق
السعر/ 38 صارت 27
الرابط/ هنا
<Kitten heels>
يموت بشكل وماندمت اني اشتريته اتعب وانا اقول كمية اناقة 😻
و جودته فضيعه صراحة ماندمت ان اشتريته
يجي من قدام مخمل و الزينة الذهبيه مثبته صح يعني مافي امل تطيح 👍
انصح فيه وبقوة ولكن ف شي ماحبيته اللون الاصفر اللي من فوق وهو مايبان باللبس بس ياليت لو حطو نفس اللون او قريب من لون الكعب من الامام
السعر/ كان 48 صار 40
البوت الاسود من الشتاء اللي فات كان نفسي بواحد من نمشي بس اغلب الاشكال كانت مو مره واذا حلو سعرها اوڤر
فكنت اقول حرام هي هبه وتخلص اشتري شي بالسعر ذا والبسه مرة او مرتين 😅 ما ادرس اقتصاد عبث😎
فـ لقيت هذا البوت شكله جميل و نفس ما ابغى بس كنت حاطه توقع انه ممكن مش ولابد لان المواقع الصينيه غير مضمونه
البوت وصل وكل شي تمام بس فيه شخطه بيضاء من الجنب ما ادري هل مني لما قسته
انصح فيه حبيته 👍
السعر| كان 88ريال صار 74.81 ريال
الشرابات او الجوارب هي الشي الوحيد اللي اقولك اشتريها من المواقع الصينية وانتي مغمضه تجيك جودة وشكل وسعر كمان حلو 👌
كانت 12 صارت 8ريال
الرابط/ هنا
هذا الشي الوحيد اللي حرفياً مالي داعي يوم اشتريته 😑
قالك خلخال، من فين ينفك ما اعرف قرات التعليقات مكتوب وحده من الدائرتين تنفك
ولا وحده منهم انفكت معي حاولت باكثر من شكل ولا راضي😠
ما انصح فيه 👎
السعر/ كان 12 صار 8
الرابط/ هنا
اخر شي شنطة خصر الخياطة نظيفة و الجلد ثقيل حبيتها
لكن حجمها صغير حبتين حاولت احط ايفون اكس داخلها بالقوة يجي
انصح فيها بسبب الجودة مقابل السعر 👍
السعر/ كانت 19 صارت 15
الرابط/ هنا
وبكذا تنتهي التدوينة اللطيفة 😇
دمتم بود🥀
