وصف المدون

إعلان الرئيسية





حياكم الله جميعاً بشرح لكم طريقة الطلب من مايكل كورس الامريكي طبعاً الاسعار تفرق عن السعودي كثير وسبق ونزلت في قناتي مشترياتي من عندهم رابط الفيديو





اول نقطة تحتاجون عنوان امريكي وهذا تقدرون تاخذونه اذا اشتركوا في مواقع اعادة التوجيه مثل فيشزفاست او شوب اند شيب وغيرها من المواقع هنا استخدمت موقع فيشزفاست وهو موقع يعطيكم عنوان امريكي ويجمع الشحنات لكم في خزانة وبعدين يرسلها واكيد الخدمة هذي برسوم هذا موقعهم 

رابط موقع فيشزفاست


نفتح موقع مايكل كورس  وننتبه لنقطة ان الموقع بيحولكم للسعودي دايركت او ممكن تظهر لكم هذي الرسالة وقتها تقدرون تغيرون الدولة من الضغط على غير البلد 

اذا ما ظهرت لكم هذي الرسالة كل اللي عليكم من الجنب تختارون العلامة اللي في الزاوية وانزلوا تحت واختاروا تغيير البلد واختاروا الدولة امريكا United States


 وبعد كذا اضيفو المنتجات للسلة واتموا الدفع بساعدكم في هذي التدوينة بشرح لطريقة كتابة العنوان وبنبه ع شغله مهمه جداً 📍الموقع يرفض الطلبات اللي اكثر من ١٠٠ دولار على طول يلغي الطلب ويرجع الفلوس للبطاقة

اول شي سويته اني قسمت الطلبات الى ٤ شحنات عشان ماتوصل ١٠٠ دولار 

ولما وصلت المنتجات ع فيشزفاست جمعوها لي وطلبت يشيلون الكراتين والاشياء اللي بتزود من حجم الصندوق 



كذا يجيكم عنوان فيشزفاست اذا اشتركوا معهم وسجلتوا بيعطونكم عنوان مثل كذا الاجزاء اللي ظللتها هي خاصه بحسابي اما باقي الاجزاء فهي عامة لجميع المشتركين في فيشزفاست نجي لتعبئة العنوان كل اللي عليكم تنسخون معلومة معلومة وتلصقونها ف المكان المحدد لها 

نفس المسميات العنوان الاول الثاني وهكذا



كذا طريقة تعبئة العنوان لو شحنتي طلبك بدون رقم الخزانة اللي عند فيشزفاست وش بيصير وهل تضيع الشحنة؟! 

لا ماتضيع ولا يصير لها شي بيطلبون منك تتبع شحنتك عن طريق الرقم اللي رسله لك الموقع اللي اشتريتي منه واذا وصلت شحنتك لفيشزفاست تكلمين خدمة العملاء من الايقونة الموجودة اسفل يمين الشاشة في الزاوية

وترسلين لهم التفاصيل ان عندك شحنة بدون رقم الخزانة وتعطينهم رقم التتبع واسمك وبيضيفونها لك في خزانتك 


نجي للدفع مايكل كورس الامريكي مايقبل حساب البايبال السعودي لذلك الوسيلة الوحيدة للشراء بإستخدام الفيزا او الماستركارد جربت فيزا التسوق مسبقة الدفع من الراجحي ومشى معي الطلب ولكن من ماقلت لكم ان الطلب ما قبل اكثر من ١٠٠ دولار

اخيراً اذا ما قبل الموقع طلبك ممكن تطلبين من موقع فيشزفاست انهم يطلبونها لك من خدمة fastbuys

رابط موقع فيشزفاست

 واكيد فيها رسوم تفاصيلها هي " رسوم الخدمة 5$ للمتاجر التي تشحن لنا مباشرة و 7$ للمتاجر التي نستخدم فيها عناويننا الخاصة، بالإضافة إلى 7% من كلفة الشراء مصاريف إدارية"

وقت ما طلبت من موقع مايكل كورس ما واجهة اي مشكله فقط ان الطلب ما قبل اكثر من ١٠٠ دولار فإذا كان طلبك اكثر من ١٠٠ دولار اطلبي من خدم fastbuys يصير فيشزفاست يطلبونها لكم وياخذون رسوم عليها 



وشكراً 🌺

تعديل المشاركة
ليست هناك تعليقات
إرسال تعليق

Back to top button