حمالات الصدر| انواعها، قياساتها وكل شي عنها

مرحباً جميلاتي🌺

التدوينة هذي بتساعدكم بإذن الله في اختيار المقاس والشكل الصحيح للحمالات عشان ماتجيكم مضاعفات ومشاكل من المقاس الخاطئ للحمالات واكبر مشكله ممكن يسببها المقاس الخطا ترهل الصدر واكيد ماودكم توصلون لها 😩

اول نقطة نجي لمعرفة قياس الحمالات الصحيح في كثير مواقع تساعد في حساب المقاس ولكن هي تعتمد بشكل كبير عَ المقاسات اللي تكتبونها يعني اي خطا في اختياركم بيؤدي الى خطا في المقاس طيب كيف القياس الصحيح؟!

اولاً قيسي محيط الصدر وهو المكان اللي اسفل الصدر الرقم اللي يطلع لك حوليه للانش وننتبه لنقطه الرقم لازم يكون زوجي في حال كان فردي فمقياسك اما اكبر او اصغر بحيث ان الرقم لازم زوجي وايضاً لما نلف المتر حولنا نحاول مانشد ولانرخي لازم نكون مرتاحين مو مضايقنا

ثانياً قيسي اكبر منطقه في الصدر عشان نعرف مقاس الـ cup لما نحصل ع الرقم نحوله للانش وبعدين ننقص الرقمين من بعض الناتج بيكون مقاس الـ cup

A=1 B=2 C=3 D=4 DD=5 DDD=6

طيب اذا سويت العمليه هذي كلها وبرضوا مو مرتاحه بالمقاس ايش الحل؟!

الحل بسيط جداً كبير مقاس الكب وصغيري مقاس المحيط وننتبه ان المحيط يكون ماسك مع امكانيه دخول اصبعك من الجنب بالراحة هذا مقياس للراحة من عندي 😁

يعني مقاسك 34B بس مو مرتاحه وصدرك مومشدود هنا غيري المقاس الى 32C

كذا انتهينا من معرفة المقاس المناسب ننتقل للجزء الثاني من التدوينة.

انواع حمالات الصدر

حاولت اجمع لكم اشكال الحمالات واوضح لكم الانواع وتناسب ايش مع كل نوع بضيف صورة من بعض المواقع العربية اللي توصل مباشرة ولو حبيتوا اي قطعه منها اضغطوا على الصورة وبيحولكم للقطع ولو حابين اكواد خصم بكتبها لكم هنا

نمشي |RF20LOD

سيفي| ABC35

ستايلي| Ap2in

فوغا كلوسيت | UKBBS

سكث ستريت| AL924

نبدء بالانواع:

حمالات التيشرت | T-Shirt Bra

تجي بدون زينة او تفاصيل ورخارف وطبقات ميزتها خفيفة عشان ماتظهر تفاصيلها اذا لبستوا الضيق وخصوصًا التيشرتات

حمالات البوش اب | Push-Up Bra

اشهر نوع عَ ما اظن اللي يعطي الصدر امتلاء لانها ترفع الصدر وتقربه من بعض وتكون داخلها حشوه هنا مقول ياصاحبات الصدر الصغير اشتروها بيصير شكلكم جميل لانها تكبر لكم الصدر اما اللي عندهم امتلاء ابتعدوا عنها لانها بتزيد الحجم فبيصير اوڤر 😅

حمالات بدون حبل | Strapless

هذا النوع من الحمالات ممكن تجي مع احبال تمسك الصدر ولكن تقدرين تشيلين هذي الاحبال وتستخدمين الحمالات بدونها يعني فقط تُحيط بالصدر مناسبه اذا اللبس مكشوف من الاكتاف او توب بدون حمالات طيب وش اللي يثبتها يجي من الداخل فيها شريط سيليكون هو المسؤول عن تثبيتها مثل ماقلت لكم فوق اذا كان المقاس صحيح ١٠٠٪؜ بتثبت معك زي الفُل

حمالات بالكوينت | Balconette Bra

قصتها متغطي كامل الثدي ويرفع الصدر ويعطيه مظهر دائري ويزيد من حجم الثدي خصوصاً اذا داخلها حشوة

حمالات براليت | Bralette Bra

غالباً تجي بدون بطانه قماشها اما من قطن او دانتيل وممكن قماش شفاف ولانها مريحه فهي تناسب انها تنلبس في البيت

حمالات رياضية | Sports Bra

مهمه جداً تكون عند كل بنت حماية من الترهل ويدعم الصدر وقت الرياضه والحركة السريعة بحيث ان الثدي يبقى ثابت وهنا ننبه لها انواع للرياضات الخفيفه والمتوسطة والقوية وكل نوع من الرياضات تحتاج لنوع مناسب لها

القوية

المتوسطة

الخفيفة

حمالات Plunge

اللي يميز هذا النوع ان القصة من الوسط تكون نازله وتناسب البنات اللي صدورهم متباعده وودهم يقربونها من بعض وترفعها كمان وفي النهاية تحصلون على صدر متناسق ومرتب وتناسب الملابس اللي طاقتها منخفضه وماودك يبان الستيان

حمالات الحامل| Maternity Bra

من اسمها مخصصه للحامل وميزتها مريحه وتتناسب مع تغير حجم الثدي كل مازادت شهور الحمل وتغطي كامل الثدي وكمان مناسبه للمرضع فهذا النوع ممكن تلبسه المرضع ايضاً

حمالات الرضاعه| Nursing Bra

شكلها جداً مميز لان يجي فيها جزء قابل للازالة عشان عملية الرضاعه وايضاً تصميمها بدون حديد او شي يزعج المرأة فقط مصممه من قماش

حمالات Halter Bra

هذا النوع يجي لاف حول الرقبة عشان يتناسب مع التوبات والفساتين اللي تجي ملفوفه على الرقبة . هذي القصة ترفع وتحدد شكل الصدر

حمالات قابلة للتعديل| Multiway Bra

من اسمها فيها ميزه انها ممكن تتعدل عشان تناسب شكل وقصة اللبس يعني ممكن تغيرين من شكل الحمالات اما شكل اكس او الشكل العادي حسب لبسك وتعتبر عملية وسهل استعمالها.

حمالات لاصقة| Adhesive Bra

من اسمها تجي تلصق على الصدر وتكون خامتها مثل السيلكون تنفع للملابس اللي ظهرها مفتوح ،تجي اما متصله ببعض او مفصوله عن بعض حسب شكل التصميم الخاص بالبس.

حمالات مع حديد | Underwire Bra

من اسمها تجي مدعومه بحديد اسفل الكب تدعم الصدر وتعطيه شكل مدور وتناسب اكثر شي للنساء اللي صدورهم كبيرة ويحتاجون دعم قوي للثدي عشان يجي شكله مرتب لانها تدعم وترفع بشكل جيد.

حمالات بدون حديد | Wireless Bra

عكس اللي قبلها مايكون في دعم وحديد اسفل الكب تناسب النساء اللي صدورهم صغيرة

حمالات تغطية كاملة| Full-Cup Bra

الكب يجي مغطي كامل الصدر ومناسبة للنساء اللي صدورهم كبيرة ميزتها صالحه للبس مع اي قطعة حابه تلبسيها ماعدا القطع اللي قصتها منخفضة عشان ماتبان الحمالة.