الثلاثاء، 31 أغسطس 2021

هل تطبيق تستاهل يوزع مجاناً؟ شرح واجابة على الاسئلة




صندوق تستاهل


 مرحباً واهلاً وسهلاً فيكم ي حبايب قلبي في هذي التدوينة بتكلم عن تطبيق تستاهل وان شاء الله اجاوب على كامل الاسئلة اللي تجي عبالكم 
سبق ونزلت فيديوهات عن تطبيق تستاهل والصناديق اللي وصلتني منهم بضيف لكم الفيديوهات اخر التدوينة

هل هو مجاني فعلاً؟!

اول سؤال تكرر هل فعلاً الصناديق مجاناً وليه يعطونا مجاناً وش بيستفيدون؟😒
وصلني من عندهم صندوقين بينهم تقريباً 3 الى 4 اشهر وفي كل المرتين ما دفعت ولا شي طيب هم ليه يرسلون وش بيستفيدون؟
فكرتهم يجمعون اراء الناس عن المنتجات وتقييمهم ويسوون لها تقرير مفصل وبعد كذا يُباع التقرير ذا للشركات عشان تعرف ايش اللي يفضله السوق السعودي ولاتخافون ما يستخدمون بياناتكم ولا اسماءكم كل اللي يهمه رايكم فقط وايش الافضل وايش اللي ما حبيتوه ومن ذا الكلام 


وين يوصل؟ كل السعودية؟

يوصلون داخل السعودية فقط وفي حال كنتوا ساكنين في قرية وحابين تتاكدون اذا يوصلون لكم او لا شوفوا وقت ما تعبون بيانات العنوان اذا قريتكم موجوده يعني يوصلون لكم 

ابغى صندوق؟ كيف يوصلني صندوق؟ 

اول شي تحملون التطبيق اكتبوا (تستاهل) وبيظهر لكم تطبيقهم لما تحملوونه سجلوا عادي وكثير جات اسئلة لي في الفيديوهات عن كم نقطة وقت التسجيل واللي هي: 
كيف اكتب رقم جوالي؟ اكتبوا رقمكم بدون 05 اللي في البداية يعني اللي رقمهم 0512345678 يكتبون 12345678 
وش كود الاحالة؟ اتركوه فاضي هو شي اختياري مو لازم تكتبون شي
بعد ماتسجلون عادي بيظهر لكم الروبوت يسولف معكم وياخذ ويعطي معكم في حال حابه تعدلين اهتماماتكم اسحبي التطبيق من اليسار بتظهر لك الاعدادت تعدلينعنوانك اسمك عمرك اهتماماتك كل شي اما لو سحبتي من اليمين بتظهر لك التحديات و الصناديق و العروض 

وش سالفة النقاط اللي كاتبينها في التطبيق؟

مع التحديث الجديد صار في تجميع نقاط ومقابلها تستبدلون النقاط بكوبونات او صناديق بالنسبة لطريقة جمع النقاط اول شي تجاوبون على التحديات و الاستطلاعات الفرق بينهم ان التحديات اجابة واحده تكون صح اما الاستطلاعات كل الاجابات صح في نهاية التحدي او الاستطلاع تحصلون على نقاط عادةً تكون من 30 الف الى 60 الف نقطة وهذي هي الطريقة الوحيدة لجمع النقاط
 

كيف ياخذون رايي؟

بعد مايوصلك صندوق بيجي لك تنبيه من التطبيق اعطينا رايك تفتح الاشعار وبيسالك الروبوت عن الاشياء اللي وصلت وايش حبيت وايش الشي المميز فيها وما الى ذلك

صحيح يوزعون ايفون؟

لما نزلت الفيديو تبع الصندوق حرفياً صارت ضجة على الايفون صدقاً ما عندي معرفه عن طريقة الحصول عليه مطلوب انك توصل الى 10 مليون نقطة و وقتها تبدل النقاط بالايفون ولكن كيف طريقة الحصول كوبون خصم او يرسلونه لك ما اعرف.
وعندهم كمان كوبونات ثانية تبدء من 900 الف نقطة لببجي مقابل 60 شدة الى 10 مليون لايفون 12

هل اقدر احصل على اكثر من صندوق؟

بالنسبة للصناديق اللي بدون نقاط تقدرون تحصلون عليها اكثر من مره وصلتني مرتين آلية الحصول عليها مايحتاج تحديات ولا نقاط اذا جهزوا دفعت صناديق يكون لهاعدد محدد يجيكم اشعار من التطبيق ان فيه فلما تدخل يحجز لك صندوق يعني الصناديق عندهم حسب اولوية الحجز وعادة تكون بين 3 الى 4 اشهر 

~في تطبيقهم صناديق انواع وش الفرق بينها؟

بجانب الصندوق المجاني عندهم نوعين ثانيه من الصناديق وهي الصندوق العجيب و الصندوق الرهيب ايش الفرق بينهم؟ 
اول فرق بينهم السعر الاول بمليون نقطه والثاني بمليون و ميتين وخمسين الف نقطة بالنسبة للمحتويات العجيب داخله منتجات حجم كبير مناسبه لاهتماماتك اماالرهيب داخله 3 منتجات حجم كبير من اهتماماتك 
( طلبت الصندوق العجيب اذا وصل بحدث الموضوع)

وش تستاهل بلس؟ وكيف اشترك فيه؟ 

اول شي بنتكلم عن المزايا للاشتراك 
-تنبيهات الصناديق قبل المستخدمين العاديين 
-ساعات في شركات ترسل عدد من الصناديق الحصرية وتكون من نصيب اللي مشترك بتستاهل بلس
-تنبيهات بالبطاقات الجديدة قبل المستخدمين العاديين يعني لو نزلت بطاقات خصومات اول شي يجي تنبيه لبلس
حالياً صار الاشتراك بفلوس وقت ما اشتركت معهم اشتركت ب300 الف نقطة وبالغلط بعد 🤣
الفيديوهات اللي سبق ونزلتها في قناتي عن الصناديق ومحتوياتها 






وفي النهاية اتمنى اني اجبت على الاسئلة كلها

وشكراً❤



0 التعليقات:

إرسال تعليق