الأحد، 30 أغسطس 2020

الطلب من زارا اسبانيا - شرح+ مشتريات

 


اهلاً وسهلاً 

تدوينة اليوم امتداد لفيديو عَ قناة اليوتيوب ( مشتريات زارا اسبانيا) فبشرح طريقة الطلب من الموقع الاسباني وفي النهاية اكيد بذكر لكم توصياتي 😉

اول شيء نحتاجه عنوان اسباني وكثير شركات تقدم هذي الخدمة استخدمت خدمة شوب اند شيب من ارامكس بالنسبة للاشتراك و التفاصيل هذي ابحثوا عنه اشتراكي عندهم قديم ممكن 2015 كانو مسوين عرض اشتراك مجاني ومن وقتها مشتركه معهم ويقدمون لك عناوين كثيره في اكثر من دولة حتى الدول العربية 



كذا تكون صفحة العناوين في موقع شوب اند شيب تختارون الدولة وبيظهر لكم العنوان حقكم ولازم تنتبهون عن العنوان الثاني لان فيه رقم الخزانة اللي تخصكم بحيث لو وصلتهم شحنة بدون ذا الرقم ماراح يتعرفون على صاحبها

كذا بعد ماتسوقت من الموقع واضفت الاشياء في موقعهم عيب اللي هو ان السلة تتصفر بعد نص ساعه تقريباً فلازم تسوون تشيك اوت سريع لو تحفظون الروابط و تضيفونها وتشترون دايركت 


نضيف الاشياء الى السلة و نفس الموقع الاسباني عندهم لغة انجليزية يعني ما  راح تتعبون لما تختارون تشيك اوت بتظهر لكم ذي الصفحة اما تسجلون الدخول لو عندكم حساب او تكملون كضيف وهذا اللي اخترته 


نجي هنا للنقطة المهمه جداً اللي هي العنوان تعبون نفس البيانات اللي في شوب اند شيب و ذاكرين الرقم اللي قلت لكم عليه فوق لازم تكتبونه رقم الخزانة في شوب اند شي اضيفوه نهاية العنوان الاول عشان تضمنون وصول الشحنة لكم 
ولو صار وماكتبوتوا رقمكم الشخصي اتواصلوا ع ارامكس وقولو لهم لكم شحنة برقم تتبع واعطوهم كامل المعلومات بحيث اذا وصلت تنضاف لخزانتكم في شوب اند شيب


هنا بيعطيك ثلاث خيارات بعد ماتعبين السلة رقم واحد الاستلام من الفرع وذا مايناسبنا لان بيعطيك فروع اسبانيا رقم اثنين توصيل للمنزل وهذا الخير اللي نختاره عشان يوصل لعنوانكم في شوب اند شيب اما رقم ثلاثة فهو نقطة توزيع ولا فهمت وش يقصد 

بعد ما اخترنا توصي للمنزل واخترنا تابع  continue تظهر لنا وسيلة الدفع في البداية جربت ادفع بالفيزا بس رفض فمو عارفه السبب هل يرفضون الفيزا السعودية او اني اخطات في المعلومات حقت البطاقة فجربت باي بال ومشى معي تمام ع ان الباي بال يسحب من فيزتي يعني يعتبر وسيط 


هنا يطلب منكم التاكد من معلوماتك والطلبات يعني ريفيو قبل ماتكملين الطلب وفي هذي الخطوة يمدي تعدلين اي غلط عن طريق تختارين تغيير change مكتوبه تحت العنوان و الدفع يعني مايحتاج ترجعين للخلف 

ظهرت هذي الرسالة لما جربت ادفع بالفيزا السعودية 
وكذا تم الطلب وهذي الفاتورة ولو تلاحظون الدفع المقبول عن طريق باي بال 

هل بطلب مره ثانيه من اسبانيا؟

لا السبب في ان الشحن يعتبر جداً غالي ممكن اجرب اطلب من زارا مصر او تركيا لان الشحن عندهم رخيص مقارنه بدول اوروبا 

لمشاهدة فيديو المشتريات اتفضلوا 




دمتم بود 🌿


0 التعليقات:

إرسال تعليق