الخميس، 23 أبريل 2020

اهلاً رمضان - ثيمات و بانر لرمضان فعاليات وتحديات





اهلاً وسهلاً فيكم
واسعد الله اوقاتكم بكل خير هذي التدوينة كان من المفترض تكون فيديو ع اليوتيوب ولكن لظروف خارجة عن ارادتي بتصير تدوينة واذا وصلت الاشياء الناقصة ممكن تصير كفيديو عَ اليوتيوب

طبعاً مثل كل سنة اصمم زينة رمضان لبيتي وهذي السنة مع حظر التجول صارت عندي اشياء ناقصة وطلبتها و عَ الاغلب بتاخذ وقت عَ ماتجي بس مايخالف انزل لكم التصاميم عشان لو احد حاب يزين لرمضان الله يبلغناه واياكم

ثيمات.،
صممت مجموعة ثيمات بالامكان تتركب كتغريسات او كـ صورة في إطار او حتى كثيم حلاوة المجال مفتوح لكم ابدعوا 🤩
هالمره بنزلها دايركت عَ المدونة بدون ما اضغطها كـ ارشيف حتى يسهل عليكم تحفظونها حاولت انوع بكذا تصميم مختلف مراعاة لاختلاف الاذواق فَ صممت 3 مجموعات كل مجموعه 6 ثيمات وبالامكان تدمجون مابينها استمتعوا💟

























ديكور.،
وبالنسبة للديكور صممت بانر لرمضان اختر اللون ذهبي يصير فخم اكثر بحط لكم رابط PDF تحملونه بيجي لكم كل شكل لحاله في صفحة كل اللي عليكم تطبعونها وترتبونها على خيط وبيصير احلى ديكور من صنعكم 💕
طبعاً الى الان ماطبعتها انتظر الطلبات توصل من مكتبة جرير يقولون تجي ع يووم 27 ابريل يعني رابع يوم من رمضان💢



لتحميل البانر من هنا


فعاليات.،
وحتى نكون مثمرين في شهر الخير كتبت ٣٠ عمل تقدرون تطبعونها وتقصون كل عبارة لوحدها بعد كذا تتطبق  وكل يوم خلال رمضان تسحبون ورقة وتنفذون المكتوب وكلها اعمال بسيطة ماتحتاج وقت نزلتها بصيغة ورد عشان لو احد حاب يعدل عليها يضيف اعمال او يحذف كل واحد وتفضيلاته  الاعمال متنوعه مابين دينية و امور بسيط كتغيير للروتين اتمنى تستمتعون فيها😁
للتحميل من هنا

وبما انا مرتبطين بوسائل التواصل الاجتماعي صممت مجموعة فهاليات نتشارك فيها ع منصات التواصل


كل اللي عليكم تحفظون الصورة وتجاوبون على الاسئلة ومنشنوا اللي حابين
(للتكبير اضغط على الصورة)









واذا حابين تشوفون زينة رمضان اللي سويتها نزلت فيديوين على اليوتيوب الاول الزينة الاساسية اللي من البيت و الثاني بعد ما وصل طلب جرير😁

وبكذا انتهت تدوينتي دمتم بحب احبتي 🥰

0 التعليقات:

إرسال تعليق