ايش اشتريت في البلاك فرايدي ؟ Black Friday hauls






اسعد الله مساءكم ي حبيبات قلبي 🥰
وين ماكنتم اهلاً وسهلاً فـ مدونتي المتواضعه
اذا باقي ما تابعتوني تابعوني ✨
وهذا حسابي
الانستجرام : Ijurst
سناب شات: Ijurst

هالسنة البلاك فرايدي غير شفنا تفاعل من محلاتنا 🌚
و ازعجونا بعض المواقع بإعلاناتهم والمشكله انهم قيق نصابين ❌
يعني مثلاً موقع صيني مكتسح الاعلانات وله مستودع فِ ديرتنا ماغيره هو 🛑
تخفيضات البلاك فرايدي ومن ذا الكلام بدل ما يخفض رفع الاسعار وغير السعر
لدرجة من كثر النصب السعر قبل ارخص من بعد 🙀
ونقطة ثانية عن نفس الموقع كل الماركات اللي فيه تقليد وبسعر الاصلية
فلا تثقون في المواقع الصينية 😔
قد تكلمت ف السناب قبل البلاك فرايدي وقلت لاتصدقون المواقع الصينية.
 وكالعادة ي سعادة 



موقع ماك السعودي ويشحن من جدة كان عندهم خصم 
حول 25% عً كل الاشياء فصارت الاسعار مشابهه للموقع الكندي 🙈
فأخذت ارواج ميني حقت السفر حجمها يجنن كتكوت واختي اخذت مناديل مياه ميسلار
وماسكارا شفافه للحواجب وارسلوا عينات هدية مسكرتين و برايمر فِ الكيس الاسود 
الوان الارواج (mehr ،ruby woo ،diva ،Russian red)
وحالياً الموقع عند خصم 40% عَ منتجات محددة 




موقع NYX cosmatics
موقع غني عن التعريف ولهم محل فِ حياة مول كان عندهم خصم 50% 
وصار مجموع الاغراض بـحوالي 200 ريال 54دولار 
اكيد عندنا ماراح يكون السعر كذا.
كلمتني اختي وقالت ابي مكياج من إلى وحدي هذا المبلغ قلت بس انا لها اجيب لك وارخص من كذا 😎
واكيد ما قاومت وطلبت معها بعض الاشياء اخذت اضاءة Born to glow ودي اجربها
 وَروج  وبلاش وايلاينر و ماسكارا للحواجب شفافه ممكن مجموع اشيائي 70ريال  او شي حولها .
والشحن كان مجاني داخل امريكا وَ مو اول مره اطلب منهم.



وكمان الحب امازون له نصيب من الطلب طلبت ديرمارولر
بس تو انتبه انها مقاس واحد عبالي 3 مقاسات
المهم هذي مقاس 0.25mm ويعالج التجاعيد والهالات
كل مقاس يحل مشكله معينه اللي اخذتها اصغر مقاس
(طول الابرة 0.25mm)
ان شاء الله بجربها مع فيتامين سي وبكتب عنها تدوينة
السعر| 16.99$ حول 66 ريال
الرابط| هنا



فيتامين سي و هالورنيك اسيد من ماركة اوز ناتشورالزالغنية عن التعريف
هم لهم موقع يوصل مباشر للسعودية بس انا اخذتها من امازون لهم هناك متجر 
ونفس سعر الموقع الرسمي و اذكر ف البلاك فرادي نايس ون مسوين خصم عليها صارت بـ75 ريال تقريباً 
بس مالحقت ع العرض اخذت الواحد 17.95$ حول 67 ريال 
الرابط | هنا ، هنا 


.

موقع فورايفر ٢١ كمان طلبت منه وعَ فكرة عندهم شحن مباشر 
اخذت من عندهم فستان سادة زيتي يعتبر من الاساسيات اعجبني 
وقماشه روعه يجي قصير لتحت الركبة بحثت عَ الرابط مالقيته 
وبنبه عَ شغله فورايفر مايقبل عناوين اعادة الشحن لان قبل فترة حاولت اشتري 
والغوا الطلب و قبل البلاك فرايدي فيشزفاست غيرو عنوانهم 
فَ مشى ع فورايفر وشحنو الطلب 😎
الرابط| هنا





وجاكيت لفتني لما كنت اتسوق بس صدقاً ساعات اطلب اشياء 
واستغرب اذا وصلت اقول هذا موذوقي 😂
الجاكيت خفيف وَ كشكل حلو  
بعد ماطلبت من الموقع رحت ع محل مانجو
 لقيت نفس الخامه و الشكل وفرق السعر
بحثت عنه ف الموقع ومالقيته بس بكتب اسمه فِ حال حابين تعرفون اسمه 😝
Puffer jacket 




 


وايضاً شرابات شراباتهم تجنن بشكل وكيوت 💕 
اشكال و الوان اذكر كانت عَ دولار و ٣٠ سنت 
عاد اخذت ٥ حبات ونوعت لزوم الشتاء 😉
رجعت ابحث عنها ف الموقع ومع الاسف مالقيتها 
بس عندهم اشكال جميلة انصحكم تشوفونها 


وماننسيت كمان موقع قاب الحب  اشتريت لولدي 
 سويتر ميكي الصدمة انه رحت للمحل اكثر من مره قبل اطلب مالقيتها 🤔
وكمان قاب عندهم موقع ثاني اسمه قاب فاكتوري دائماً عليه خصومات وَ الاغلب انه الاوتلت حقهم 
اللي عنده العلم الاكيد ينورني؟؟





واخذت هودي بشعار الماركة مجموع الطلبات كان ٢٥$ او حولها مع كود خصم كمان ☺
الروابط |
  سويتر ميكي ماوس Gap , gap factory 
هودي Gap , gap factory 




اه ي ستيلا صارت لي معهم سالفة كنت ابي الشدو الجلتر 
ورحت عَ موقعهم الرسمي واشتريت كان عنده ٤٠٪؜ اتممت الطلب وانسحبت الفلوس بس الطلب معلق ماتغير واروح اراسلهم واقولهى السالفك قالو احنا مانشحن لعنواين اعادة الشحن والفلوس راح ترجع لحسابك خلال اسبوع عمل 
اوف منهم 😾
ورحت ادور مواقع تبيع ستيلا ولقيته فِ نوردستروم وطلبت اثنين وطبعاً بدون خصم الواحد كان ٢٥٪؜ حول ٩٦ ريال والشحن مجاني داخل امريكا وارسلوا عينات هدية ارواج من نفس الماركة وكمان عينات عطور بس طلبت ازالتها فِ فشزفاست لانهم يحسبون رسوم ٢٠$ عَ العطور تخيلو بس ادفع ذا المبلغ عشان استلم عينات  ٣مل 😕


ودمتم بود 😘






Jurst

ليست هناك تعليقات:

إرسال تعليق