الليزر المنزلي فيليبس لوميا بلس | Philips Lumea Precision Plus



 Philips Lumea Precision Plus
 الليزر المنزلي فيليبس لوميا بلس







الليزر المنزلي هو الحل الامثل للقضاء عَ الشعر
ان شاء الله بطرح فِ هذي التدوينة كل شي حول الليزر
وَبيكون مرجع لكل بنوته حابه تشتري الجهاز لاني سابقاً عانيت فِ البحث
قبل الشراء المعلومات ماكانت كافيه وكان عندي اسئلة مالقيت لها اجابه
وَ الآن تشبعت بالمعلومات سابقاً كتبت بوست فِ الانستقرام عن الليزر بس حسيت انه ماهو كافي
فَ فصلته بتدوينة افضل

الجهاز يعتمد على استخدام تقنية النبض الضوئي (IPL)  ويضمن نتايج طويلة الامد ..! 
طيب ,, كيف يعمل ..؟
أول شي لازم نعرف ان معدل نمو الشعر لجميع الناس يمر بِ 3 مراحل اساسية 
  وهي:



1) مرحلة النمو (anagen phase)
فِ هذي المرحلة الشعر ينمو من الجذور ويكون تركيز الميلانين فِ اعلى مستوياته
" الميلانين هو المسؤول عن لون الشعر"
2) مرحلة التدهور (Catagen Phase)
فيها يوقف نمو الشعر وَ ينكمش الجذر قبل ماتسقط الشعرة.
3) مرحلة الراحة (Telogen Phase)
تنفصل الشعرة القديمة عن البصيلة وتسقط وتدخل البصيلة فِ مرحلة الراحة لحد ماتنشطها الساعه البيولوجية عشان تتنشط مره ثانيه وتمنو الشعرة الجديدة

 احنا نستخدم الجهاز فِ مرحلة النمو لان الميلانين عالي فِ الشعرة وراح يمتص اكبر قدر ممكن من نبضات الضوء الصادرة من الليزر بكذا ننقل الشعرة الى مرحلة الراحة


الاستخدام||



1- نحلق المنطقة اللي نبي نعالجها حلاقة بالموس مو بالحلاوة لان احنا نبي جذر الشعرة عشان يمتص الضوء
 لو استخدمتي الحلاوة بكذا ينشال الجذر فَ بالتالي مايصير له فايدة وكمان لازم نتأكد من الحلاقة انها تمام
مافي شعر لان وجود الشعريَعدم فتحة الضوء وَ يقصر منّ عمر الجهاز الإفتراضي 
وبالاضافة الى انها ممكن تطلع ريحة شعر محروق

2- نتاكد ان اليشرة خالية 100% من اي شي كريمات مزيلات عرق عطور حتى كريمات التان والكريمات الواقية من الشمس

 3- نحدد الدرجة مثل ماهو مكتوب فِ الجدول اول حددي لون بشرتك ثم  لون الشعر 
"ممكن تتطلب كل منطقة في الجسم درجة منفصلة من كثافة الضوء "

( الإكس معناها ماينفع ابد )


وَهنا كل منطقة وَكم الوقت المتوقع وَالقطعة المستخدمة






4) نجي لطريقة استخدام الجهاز العدسه نفسها مجهزه بحلقة امان لازم تنضغط كلها مع بعض 
عشان يطلق الضوء فَ لما كلها تنضغط مع بعض يعطيك ضوء اخضر يعني تمام اضغطي زر الوميض

 

مرحلة ما بعد المعالجة/
اقل شي ننتظر 24 ساعه بعد المعالجه قبل مانتعرض للشمس وحتى بعد مرور 24 ساعه نتاكد من اختفاء احمرار الجلد  
فِ حال إحتجتي للخروج تغطين المناطق اللي عالجتها او تستخدمين واقي شمس لايقل عن ( 30 SPF) خلال اسبوعين


* الاثار الشائعة
- إحمرار الجلد أو وخز او سخونة فِ الجلد (مريت فيها اول استخدام )
- ممكن حدوث تفاعل جلدي مشابهه بالسفع الشمسي يظهر لمدة قصيره
"معناه توسع الاوعية الدموية تحت الجلد "
-حدوث حكه وَ جفاف للبشرة بسبب الحلاقة و المعالجه (مريت فيها)
" الحل تبريد المنطقة باستخدام قطعه ثلج او مناديل الوجه المبلله وفي حال استمرار الحكه
نستخدم كريم مرطب غير عطري بعد 24 ساعه من المعالجه"



شرح الجهاز||

شرح عَ الصورة مكونات الجهاز




نبدء من فوق..~
1_ فلتر الاشعة فوق البنفسجية : تتركب فوقه العدسه فائد الفلتر انه حماية لك
2_ فتحات التهوية : لما نشغل الجهاز راح يطلع هواء من هنا
3_زر الوميض: اذا كانت وضعيت  الجهاز صحيحة راح يشتغل معك الزر
 ( من الخلف لمبه خضراء لازم تشتغل دليل ان الوضح صح)
4_ مستويات الضوء وَازرار التحكم الزيادة او التنقيص
5_ مؤشر البطارية : لما يحتاج شحن بتولع لمبه حمراء
6_ زر الايقاف وَ التشغيل

تجربتي *~

بداية هذا كله لما نويت اسوي جسمي كله ليزر وطبعاً لازم ابحث فِ النت وَ اشوف تجارب الناس
فِ هالفترة اذا مو غلطانه فليبس اعلنوا عن ذا الجهاز ع التلفزيون جاء فوقته
وبحثت كثير كثير لقيت معلومات ولكن ما جاوبت عَ كل اسالتي  ابي زيادة
استخرت وتوكلت عَ الله وشريت الجهاز وَصراحة ماندمت ابداً
سعره وقت الشراء 3700 ريال تقريباً  ذا الكلام قبل 3 سنين الان ما بعرفش
بس كاني قد شفته بحوالي 2000 ريال 
طبعاً اول استخدام لي نار وَ جلدي تحسس مره لدرجة يدي جات عَ باب الدولاب
وَ نسحب الجلد وَ كمان صار لي فِ فخذي نقط حمره كانها دم محبوس تحت الجلد
بس ما طولت راحت عَ طول وَ هذي الامور صارت من اول جلسة

 استخدام  جلستين فِ الشهر يعني بمعدل جلسة كل اسبوعين 
 غالباً النتيجة تبان من بعد خامس جلسة  يعني بعد شهرين وشوي 
اول مكان لاحظته الساق صار كله فراغات والشعر اللي نما كان خفيف
وبعدين الاندر ارمز وَ البكيني كلهم صار فراغات وَالشعر خف
طبعاً عن ما استخدمته لوجهي لان شعره خفيف فَ لو استخدمته
بتصير النتيجة عكسية يعني بيطلع شعر ثقيل
استمريت مايقرب سنه وشوي والنتيجة ولا اروع
بعدين وقفت لما عرفت اني حامل لان الافضل الحامل ماتستخدمه
ورجعت استخدمته من بعد الولادة وَ الى الان
فِ الفترة اللي تركته كنت احلق بالموس لاحظت ان المناطق اللي كانت نتيجتها متاخره
مثل الاندر ارمز وَ البكيني نما فيها الشعر بس بمعدل غير عن قبل الليزر
اما اليد وَالساق كننت احلق بالموس وكاني شايله بالحلاوة
النتيجة كانت ثابته 
بس بشكل عام انصح فيه وبقوة مع ان عمره الافتراضي  عدد نبضات محدده
اذ وصل لها يوقف الجهاز حالياً سمعت عن جهاز جديد
يقولون لانهائي النبضات وَ عن نفسي ما اعرف عنه اي شي نهائي





هذي الصورة من موقع فيليبس  (النتيجة بانت من 5 جلسات)
الاولى لساق والنتيجة بانت عَ طول
أما الثانية فَ هي للبكيني النتيجة بانت بعد خامس جلسة







س/ اسئلة ممكن تبان النتجة من جلسة واحدة؟
ج/ لا طبعاً لازم اكثر جلسة

س/ متى يبدأ الشعر بالتساقط ؟
ج/ بين فترات استخدام الجهاز يعني ممكن يحتاج من اسبوع الى اسبوعين

س/ متى استخدم الجهاز بدون حلاقة الشعر؟
ج/ بعد ما يتوقف شعرك عن النمو وهذا عادةً يصير بعد 4 الى 5 جلسات
"بالنسبة لي كان بعد 5 جلسات"

س/ هل يضر الحامل؟
ج/ مافي درسات بس الافضل تتركه وَ لا تستخدمه




* هذي التدوينة ماهي إلا اجتهاد شخصي *

Jurst

هناك تعليقان (2):