مطعم الفيروز قاردن |Fairouz garden restaurant


مطعم الفيروز قاردن 
Fairouz garden restaurant


بسم الله الرحمن الرحيم

تكلمت سابقاً عن مطعم الفيروز قاردن فِ الانستجرام وٓ حبيت انقل التجربه بشكل مفصل بتدوينة



اول شي لما قررنا نزور المطعم كان الوقت 11 وٓ وراها يعني تقريباً بتكون آغلب الاطباق مخلصه
( نهاية دوام )
المطعم بشكل عام ديكوره جميل بس يجيب الضيقه الانوار خافته + الديكور غامق 
وٓ انا ديني ودين ذول الشيئين ....  ما احبهم ابد يعني لازم الاضاءة صاقعه والالوان فاتحه
 ( يشرحون الصدر بدال الظلام )


كان المطعم زحمه اضطرينا ننتظر لحد ماتفضى طاولة وَبرضو فِ الانتظار ناس بعد
ماطول انتظارنا لاننا كنا شخصين فاعطونا غرفه صغيره لان الباقيين عوايل وَ اعدادهم كثير
قبل لاندخل اعطونا المنيو قالو اختاروا الاطباق - يبونا نطلع بسرعه ..-
الظريف فِ الامر وقت ماكنا نطلب العشاء كل ماقلت جيب كذا قال مافي طيب ذا كمان مافي 
كل شي مخلص -  فطلبنا برياني وَمعاه سلطة خيار بالنعناع , وَكبه وَ سبرنج رول .. 
ماطولنا فِ انتظار الاطباق خدمتهم سريعة






كبه الدجاج وصلت حاره .. كانت اربع حبات مناسبه لشخصين ..بس ماعجبتني ماهي مره يمكن الغير يشوفها لذيذه 
اعطيها 6/10  -عشان وصلت حاره - 



السبرنج رول  كان بالخضار ... مستحيل  اطلبه مره ثانيه!! ... 
مش لذيذ ابداً تكرم النعمه مافيه طعم 
اعطيه 3/10  - عشان الحراره -



الذ حاجه البرياني لذيذ ,, وَ يستاهل ينطلب الغريب فِ الامر ان الكبه وَالسبرنج رول  نصحوني فيها ناس بس ماعجبتني 
وَالبرياني محد نصحني فيه بس طلع الذ واحد طعمه ناااطع وسلطة الزبادي والنعناع الذ وَالذ
اعطيه 10/10 - يعجبني الاكل المبهر اللي في طعم مو سامط بدون شيء-

الحساب للاسف مو ذاكرته ابد بس ما اتوقع غالي السعر مناسب

الموقع قريب من مستشفى سليمان الحبيب

Jurst

هناك تعليقان (2):