موقع نمشي دوت كوم
Namshi.com
موقع نمشي غني عن التعريف فِ كل مكان لهم إعلان ..!!
واتوقع مافي احد ما يعرف ذا الموقع
بما اني ما انفك عن تجربة مواقع تسوق جديده... شفت اعلان لحذاء ( الله يكرمكم) سكتشرز من موقع نمشي عليه تخفيض
وقتها كنت محتاجه لشي عملي ومريح مايتعب ... ف قلت ما بدهاش ي بت اتكلي على الله واشتري
واول شي سويته اني بحثت عن تجارب الناس في الشراء منه ... شفت تجارب تشجع الواحد يشتري
غير كذا كان فيه كوبون خصم تبع " سوالف هيون" اتكلت ع الله واخترت اللي ابيه وبعد مقارنات بين نوعين وحوسه ودنيا
وقع اختياري ع نوع حسيت انه مايكتم الرجل وهذا افضل شي بِ النسبه لي خصوصاً للمشاوير اللي تحتاج مشي
ومع الحمل ماراح اقدر امشي بجزمه ( الله يكرمكم) غير مريحه فَ رحت ع محلهم ف الرياض غاليري وجربت المقاسات وعرفت مقاسي ( انا عادةً البس 37 بس ف سكتشرز البس 36.5) عشان كذا مهم تتاكدون من المقاس
وكالعادة لازم قبل لا اشتري شي اسأل خواتي هَه تبون شي من الموقع الفلاني ( كان على عيد الاضحى )
فإشترت اختي بلوزة طويله ومفتوحه من قدام
لما طلبت كان ف نهاية شهر 11 هجري مكتوب فِ مدة الوصول 6-9 ايام يوه يَ كانت اطول الايام
وفِ ثالث او رابع يوم كان خميس "نهاية الاسبوع" اتصلوا علي ارامكس لك طلبيه من موقع نمشي حابه تجي تستلميها من الفرع او نوصلها قلت لا وصلوها انتو قالو خلاص نجيبها الاحد واااه ما ابعد الاحد ... وتقريباً بعدها عَ الساعه 11 الصبح اتصلوا مره ثانيه
عشان ياخذون الوصف الدقيق ويوم وصل الطلب قلبي يرقص
انقضيت عَ الكرتون وافترسته (لوووووول) طبعاً قبل التصوير جربت المقاس جاء بالتمام علي وجات الجزمه بكرتونه ومعها ورقه صغنونه تتكلم عن أحذية سكتشرز .. " يعني المنتج يرسلونه كامل" اعجبتني الاضافة اللي حاطينه وصلك طرد حبيتها
صورت بس الجزمه ( اكرمكم الله) بس البلوزه للاسف ماعرفت كيف اصورها صعب تصوير الملابس
للاسف الروابط مالقيتها ورجعت بحثت عن المنتجات فشوش
نجي لطريقة الطلب
How to order
https://ar-sa.namshi.com/
لما نفتح الموقع نختار من التوبيبات الموجوده الشيء اللي نبغاه
أنا دخلت ع احذية وبعدين نساء و مثل مواقع التسوق الثانيه فيه فلتر للبحث بحيث انك تحددين شروطك للطلب
من ماركة ومقاس الى لون وما الى ذلك....
لما نفتح المنتج راح تظهر لنا الصور للمنتج ووصف وتفاصيل المنتج والعناية فيه والاحلى كله بالعربي
نلاحظ فوق مكتوب توصيل مجاني ( ف حال الدفع مقدم فقط)
نختار اللون + المقاس ( وع جنب مكتوب جدول مقاس .. يظهر لنا المقاس الاوربي المعتمد عندنا ومايقابله من الامريكي والبريطاني)
اي شي يعجبنا نضيفه لسلة التسوق واذا انتهينا من التسوق نروح عَ سلة التسوق ونضغط تابع للدفع الآمن
ونكمل الاجراءت مثل ماهو موجود ف الصورة نعبي المعلومات المطلوبه
اللي عنده حساب مسبق راح ينتقل للخطوة اللي بعدها اما اللي جديدين يختارون ضيف او يسجلون
الخطوة الثانية نسجل معلومات التوصيل اهم شي ..!!! ( رقم الجوال يكون صحيح مافيه اي غلط)
نروح للدفع يعطيك خيارات شراء مثل ماهو واضح بس ننتبه ان الدفع عند التسليم عليه رسوم هي 34 ريال
باقي مابقي من خيارات التوصيل مجاني
ماظهر ف الصورة اخر مربع اللي هو الكوبون ( غير شامل للمنتجات المخفضة)
قيمة الخصم تقريباً 15%
هذا الكوبون - hyoona -
راح يرسل رمز تفعيل عَ رقم الجوال المسجل فِ معلومات التوصيل ندخل الرقم ونضغط تأكيد
حولني ع صفحة تابعه للبنك اللي تابعه له الفيزا وارسل كلمة مرور ثانية
واخيراً تم الطلب بنجاح وملبوس العافيه ...
